Laumufarþegar sækja um aðild að Frjálslynda flokknum

Borgarahreyfingin komst inn á þing í síðustu kosningum út á rithöfundinn Þráinn Bertelsson. Þránni var síðan þakkað fyrir að koma óþekktum persónum á framfæri með því að dreifa áróðri um að hann væri með ALZHEIMERS og farið að förlast. Skoðannakannanir benda nú til, sem og almannarómur að Borgarahreyfingin eigi enga framtíð fyrir sér, flokkurinn sé búin að vera.

Frjálslyndi flokkurinn ætti að eiga raunhæfa möguleika á innkomu í stjórnmálin í næstu kosningum svo lengi sem þau sverja af sér með öllu öfgaþjóðernishyggju á við þá, sem að birtist í innflytjendamálum á Akranesi hér um árið. 

Satt best að segja á ég erfitt með að sjá Frjálslynda og Borgarahreyfinguna saman í einni sæng, nema þá að Frjálslyndir myndu gefa eftir stefnu sína í Evrópumálum og það munu þeir ekki gera. Ég hef ekki orðið var við það að Sigurjón Þórðarson sé að tjá sig um þessa meintu sameiningu á sínu bloggi sem dæmi, þannig að svo segir mér hugur að forsvarsmenn Hreyfingarinnar séu að lesa meira í málin en efni standa til. 

Ég myndi telja Frjálslynda flokkinn eiga heilmikið erindi í næstu kosningum, þarna eru innandyra menn sem barist hafa fyrir mannréttindum í mörg ár, ekki bara síðan það komst í tísku haustið 2008. Ég óska því Frjálslyndum velfarnaðar en án einhverra laumufarþega.